Балалар өчен чыршы бәйрәме

6 нчы гыйнвар көнне Күлле-Киме авылы мәдәният йортында китапханә белән берлектә балалар өчен Чыршы бәйрәме үткәрелде.
Башта ук әкият геройлары балаларны тылсымлы әкият дөньясына җәлеп иттеләр, балалар бәйрәм атмосферасына чумдылар, кызыклы конкурсларда катнаштылар. Кыш Бабай барлыкка килү белән чын бәйрәм — җыр-бию, чыршы тирәли әйлән-бәйлән белән башланып китте. Тамашадан соң балалар Кыш бабайга һәм Кар Кызына шигырьләр сөйләделәр, фотога төштеләр, бүләкләр алдылар.