Китаплар иле сезне көтә!

Ташчишмә авыл китапханәсендә «Китаплар иле сезне көтә!» исеме астында яшь китап укучылар кабул итү бәйрәме үткәрелде. Чараның максаты 1 нче сыйныф укучыларын китап һәм китапханә белән якыннан таныштыру, китап укуга кызыксыну уяту, аларга сакчыл караш тәрбияләү, укучыларның беренче тапкыр китапханәгә керүен истәлекле көн итеп билгеләп үтү иде.
Китапханәче китаплар турында сөйләде, китапларны уку кагыйдәләре белән таныштырды. Ахырдан укучылар үзләренең яшь үзенчәлекләренә туры килгән китаплар сайлап алдылар.