«Туган телем — иркә гөлем»

21 нче февраль көнне Р.Бикчәнтәев исемендәге Түбән Бәрәскә авыл мәдәният йорты һәм авыл китапханәсе башлангыч сыйныф укучылары өчен Халыкара туган тел көне унаеннан «Туган телем — иркә гөлем» дип исемләнгән мәдәни чара уздырдылар.
Укучылар «Өмет һәм Ышаныч» командасына буленеп төрле биремнәрдә көч сынаштылар, шигырьләр сөйләделәр, җырлар җырладылар. Конкурс нәтиҗәсе буенча «Өмет» командасы беренче урынны яулады. Барлык укучыларны да чын күңелдән котлыйбыз!