«Батырлык һәм матурлык янәшә»

Тиздән илебез тарихында бик тә истәлекле төп бәйрәмнәрнең берсе – Ватанны саклаучылар көне һәм язның тәүге бәйрәме – Халыкара хатын-кызлар көне якынлаша. Шул уңайдан үзәк китапханә хезмәткәрләре Ш.Мәрҗани исемендәге Комыргуҗа урта гомуми белем бирү мәктәбендә «Батырлык һәм матурлык янәшә» исемле чара үткәрделәр. 9 сыйныф укучылары әлеге бәйрәмнәрнең тарихы белән таныштылар, һәрберсе якыннарына кабатланмас бүләкләр әзерләделәр. Үз кулларың белән әзерләгән бүләк – иң үзенчәлекле һәм иң кадерлесе.