«Сезгә шатлык бүләк итәбез»

«Авырлыкны җиңәр өчен көч кирәк, ә кешегә һәрчак җылы сүз кирәк».
1993 нче елдан 3 декабрь Халыкара инвалидлар көне итеп билгеләнде. Әлеге дата белән бәйле рәвештә декабрь аеның беренче ункөнлеген шәфкатьлелек марафоны итеп үткәрү матур традициягә әйләнде. Декада җәмгыятебезгә тагын бер кат әлеге категория кешеләргә даими игътибар бирү, социаль яклау кирәклеге турында искәртә. 10 декабрь көнне Кышлау авылы китапханәчесе мәдәният хезмәткәрләре белән берлектә әлеге марафонны йомгаклап, сәламәтлекләре чикле авылдашлар белән бик матур, җылы, эчтәлекле очрашу кичәсе үткәрделәр.