Киемнәрдә милләтебез йөзе

16 гыйнвар көнне мәшҺүр татар мәгьрифәтчесе, тарихчы, дин белгече, этнограф, педагог, археолог, реформатор, галим Ш. Мәрҗанинең тууына 206 ел. Шушы унайдан Ш. Мәрҗани музеенда музей һәм авыл китапханәсе тарафыннан зур мәдәни чара үтте. Чараның эпиграфы итеп Ш. Мәрҗанинең түбәндәге сүзләре алынды: “Өч әйбер диндә юк, әмма динне саклыйлар. Болар – милли тел, милли кием һәм милли гореф-гадәт”.

“Киемнәрдә милләтебез йөзе” исемендәге чарага блогер, эшмәкәр Альбина Фазлыева да чакырылган иде. Ул мөселман хатын-кызларының заманча киемнәре турында үз фикерләрен җиткерде, үзенең әлеге юнәлештәге эшчәнлеге белән таныштырды. Бу җылы очрашуда Әтнә районының актив мөселман хатын-кызлары, Комыргуҗа гомуми белем мәктәбенең укучы кызлары һәм укытучылар катнашты.

16 января в музее Ш.Марджани по случаю 206-летия со дня рождения известного ученого, философа, историка, педагога, археолога, реформатора Ш.Марджани состоялось культурное мероприятие “Лицо нации в одежде”. На этот праздник была приглашена блогер, предприниматель Альбина Фазлиева. Она выразила свое отношение к современной мусульманской одежде и рассказала о своей предпринимательской деятельности. На этой встрече приняли участие активные женщины-мусульманки района, учащиеся и учителя Коморгузинской средней школы.